- Awdur: Gwynn Williams
- Dyddiad Cyhoeddi: 1999
- Cyhoeddwyr: Gwasg Bryntirion
- ISBN: 1 85049 163 1
- Clawr Meddal
- Tudalennau: 72
Sut mae'r Eglwys i wneud ei gwaith heddiw? Ble yn union y mae ei gwendidau a ble mae angen cryfhau? Ble mae'r frwydr wrth wynebu mileniwm newydd? A ddylid gwneud rhywbeth ar wahân i obeithio a gweddïo am adfywiad?
Dywedodd un hanesydd wrth astudio bywyd yr Eglwys yn y tair canrif gyntaf i'r Cristnogion y pryd hwnnw lwyddo i'r fath raddau syfrdanol am iddynt ragori mewn pedwar maes: meddwl yn ddyfnach ac yn lletach na'u cydoeswyr; cyhoeddi eu neges fawr yn fwy brwdfrydig a chlir a phendant; arddangos grym rhyfeddol cariad yn fwy amlwg, a bod yn barod i dalu'r pris am hyn oll mewn aberth a pharodrwydd i ddioddef erlid a gwawd.
Dadleua'r awdur o'r Ysgrythur mai dyma'r bedair her i ninnau heddiw. Ni all neb a glywodd yr anerchiadau sy'n sail i'r llyfr hwn eu hanghofio yn hawdd iawn.